وست؛ مرکز کې د ۷۰ ورزشکارانو تر منځ د واکو کیو کوشین کراټې اتم پړاو سیالۍ وشوې
د خوست ولایت د بدني روزنې او سپورټ امریت اړوند د واکو کیو کوشین فدراسیون د استازولۍ له لوري د دې ولایت په تڼیوال تفریحي پارک کې له ۷ کلبونو څخه د ۷۰ وزشکارانو په ګډون د واکو کیو کوشین کراټې ټاکنیزې سیالۍ ترسره شوې.
په یادو سیالیو کې فایټر افغان کلب لومړی، قلندر کلب دویم او مرکزي کلب درېیم مقام تر لاسه کړ.
په پای کې ګټونکو کلبونو ته کپونه او غوره ورزشکارانو ته مډالونه او چمتو شوې نغدي ډالۍ ورکړل شوې.
