والیبال: دتڼیو منتخب ټیم دځوانانو دیووالي او انسجام ټورنامینټ اتلولي خپله کړه.
د والیبال هغه مسابقات، چې د خوست ولایت دتڼیو ولسوالۍ د دورملکې په کلي کې د ورزشي امریت اړوند د والیبال فدراسیون په چوکاټ کې په لاره اچول شوې وې، نن ورځ پای ته ورسېدلې.
په دې ټورنامینټ کې خوست په سطحه دپیاوړو لوبډلو ترڅنګ دهرې ولسوالۍ او سیمې (۳۶) لوبډلو برخه اخیستې وه.
ددې سیالیو پای لوبې ته دتڼیو منتخب ټیم او ددلپوریو مسؤول لوبډلو لاره پیدا کړې وه.
په پای لوبه کې لمړي دوه میدانونه دتڼیو منتخب ټیم په خپل نوم کړل، درېیم میدان د دلپوریو ټیم په خپل نوم کړ او وروستی څلورم میدان دتڼیو منتخب ټیم وګټلو، چې په دې سره د تڼیو منتخبې لوبډلې وکولی شول، چې ددې ټورنامینټ اتلولي په خپل نوم کړي.
له لوبې وروسته په مراسمو کې خوست ولایت دوالیبال فدراسیون مشر زمری سیلاني، دتڼیو والیبال عمومي مشر امین صادق، دتڼیو ولسوالۍ امنیه قوماندان، دتڼیو ولسوالۍ ښاروال عثمان حیدر او نورو ګڼو مېلمنو خپلې ارزښتناکې ویناوې وکړې او دخوست ورزشي مسؤولینو او یو شمېر ورزشي فعالانو ته یې دغوره خداماتو په موخه ستاینلیکونه او ډالۍ ورکړل شوې.
ورپسې دڅلورم، دریم ،دويم او اول مقام ګټونګو لوبډلو ته تحفې ورزشي لباسونه او کپونه ورکړل.
دمراسمو په پای کې ګټونکي(دتڼیو منتخب) ټیم ته پسه ډالۍ شو.
