هملند؛ په ناوه ولسوالۍ کې پنجاودو ستوریو لوبډلې د ټېپ بال کرکټ سیالیو اتلولي خپله کړه
د هلمند ولایت د ناوې ولسوالۍ په پنجاودو سیمه کې د ۱۰ لوبډلو ترمنځ د یووالي او ورورولۍ په نوم د ټېپ بال کرکټ سیالیو اتلولي پنجاودو ستوریو لوبډلې خپله کړه.
د یادو سیالیو پایلوبې ته پنجاودو ستوریو او پوپل اتلانو لوبډلو لار موندلې وه، لومړی توپوهنه پنجاودو ستوریو لوبډلې ترسره کړه او په ټاکلو ۱۶ اورونو کې یې سیالې لوبډلې ته ۲۶۵ منډې هدف کېښود، بل لوري ته پوپل اتلانو لوبډلې د یادې لوبې ۱۵ اورونه ولوبول او د ټولو لوبغاړو په زیان یې ۱۵۶ منډې وکړې او په ۱۰۹ منډو یې ماتې ومنله.
