هلمند کې د گرشک ښاروالۍ په نوم د فوټبال سيالۍ پيل شوې
د هلمند ولايت د بدني روزنې او ورزش آمريت په همغږۍ او د فوټبال فدراسيون د استازولۍ له لوري د گرشک ولسوالۍ اړوند ابوالفتح بستي لېسه کې د ۱۶ لوبډلو ترمنځ د "گرشک ښاروالۍ" په نوم د فوټبال گروپي سيالۍ پيل شوې.
د دغو سياليو په پيليزه لوبه کې آشنا لوبډلې خپلې سيالې هلمند لوبډلې ته د ۲ پر ۱ گولونو په توپير ماتې ورکړه او بريا يې په خپل نوم کړه.
دا سيالۍ د گرشک ښاروالۍ په همکارۍ ترسره کېږي، چې شاوخوا يوه مياشت به دوام وکړي.
