هلمند ولایت کې د فوټسال څلورم پړاو سیالۍ د هریرود لوبډلې په بریا پیل شوې
د هلمند ولایت فوټسال ورزش کمېټې له لوري، د ښاروالۍ ریاست او همت موبایل پلورنځي په مالي مرسته د یاد ولایت په مرکزي جمنازیوم کې د ۱۰ لوبډلو ترمنځ د فوټسال څلورم پړاو ګروپي سیالۍ د هریرود لوبډلي په بریا پیل شوې.
په دغو سیالیو کې د هریرود، تسل، سیداباد، ښاروالۍ، سربلند یاران، واحدي، المهدي، برومند، اقصی او نورک لوبډلو ګډون کړی، چې لومړۍ لوبه کې هریرود لوبډلې خپلې سیالې تسل لوبډلې د ۱۱/۴ ګولونو په توپیر ماتې ورکړه او بریا یې خپله کړه.
د یادو سیالیو موخه د فوټسال ورزش ته د ځوانانو هڅوول دي.
