هلمند؛ گرمسېر ولسوالۍ کې د ۲۰ لوبډلو ترمنځ د فوټسال سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د ياد ولايت په گرمسېر ولسوالۍ کې د ۲۰ لوبډلو ترمنځ د فوټسال سيالۍ، چې شاوخوا ۵۰ ورځې مخکې پيل شوې وې د کشتي لېسې لوبډلې په اتلولۍ پای ته ورسېدې.
د يادو سياليو په پايلوبه کې کشتي لېسې لوبډلې خپلې سيالې رزغون کشتي لوبډلې ته د ۳ پر ۱ گول په توپير ماتې ورکړه او اتلولي يې وگټله.
