هلمند؛ گرمسېر ولسوالۍ کې د ۱۴ لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ګرمسېر ولسوالۍ کې د ۱۴ لوبډلو ترمنځ د فوټبال ګروپي سیالۍ پیل شوې.
د یادو سیالیو لومړۍ لوبه د هېواد او رضوان لوبډلو ترمنځ ترسره شوه، چې په پایله کې یې هېواد لوبډلې د ۲ پر ۱ ګول په توپیر خپلې سیالې لوبډلې ته ماتې ورکړه او لومړۍ بریا یې په خپل نوم کړه.
دغه سیالۍ له نشه يي توکو سره د مبارزې او د ځوانانو ترمنځ د سالم رقابت په موخه پیل شوي دي چې دوې میاشتې به دوام وکړي.
