هلمند؛ گرشک ولسوالۍ کې د ۱۷ لوبډلو ترمنځ د رمضان جام په نوم د ټېپ بال کرکټ سيالۍ پيل شوې
د هلمند ولايت د بدني روزنې او ورزش امريت په همغږۍ د گرشک ولسوالۍ په توفان ورزشي لوبغالي کې د ۱۷ لوبډلو ترمنځ په گروپي شکل د رمضان جام په نوم د ټېپ بال کرکټ سيالۍ پيل شوې.
د يادو سياليو لومړۍ لوبه د گرشک اتلانو او گرشک ستورو لوبډلو ترمنځ ترسره شوه، چې په پايله کې گرشک ستورو لوبډلې په ټاکلو اتو اورونو کې سيالې لوبډلې ته د ۸۶ منډو هدف کېښود، گرشک اتلانو لوبډلې ياد هدف ترلاسه کړ او د نهو ويکټو په توپير يې بريا خپله کړه.
د دغو سياليو د ترسره کېدو موخه د ځوانانو سالم مصروفیت دی، چې شاوخوا دوې اوونۍ به دوام وکړي.
