هلمند؛ ګرمسېر ولسوالۍ کې د ۱۴ لوبډلو ترمنځ د والیبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په ګرمسېر ولسوالۍ کې د ۱۴ لوبډلو ترمنځ د والیبال سیالۍ د عظیمي لوبډلې په اتلولي پای ته ورسېدې.
د یادو سیالیو پایلوبه د عظیمي او مارجه بلاک لوبډلو ترمنځ ترسره شوه، چې په پایله کې یې عظیمي لوبډلې د ۳ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ والیبال لوبې ته د ودې او ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
