هلمند؛ ګرمسېر ولسوالۍ کې د اتو لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ګرمسېر ولسوالۍ کې د اتو لوبډلو ترمنځ د فوټسال ناک اوټ سیالۍ پیل شوې.
د یادو سیالیو په لومړۍ لوبه کې عمري ځوانانو لوبډلې د ۹ پر صفر ګولونو په توپیر خپلې سیالې سپین غر بازانو لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ فوټسال لوبو ته د ځوانانو د هڅولو په موخه پیل شوي دي، چې یوه اوونۍ به دوام وکړي.
