هلمند؛ په گرمسېر ولسوالۍ کې د اختريز جام په نوم د فوټبال سيالۍ پيل شوې
د هلمند ولايت د بدني روزنې او سپورټ امريت په همکارۍ د گرمسېر ولسوالۍ په هزار جفت مرکزي لوبغالي کې د اتو لوبډلو ترمنځ د اختريز جام په نوم د فوټبال ناک اوټ سيالۍ د شهيد اجمل لوبډلې په بريا پيل شوې.
د يادو سياليو لومړۍ لوبه د شهيد اجمل او شملان ځوانانو لوبډلو ترمنځ ترسره شوه، چې په ټاکلي وخت کې سيالۍ ۰/۰ مساوي پای ته ورسېده؛.خو پينالټيانو کې شهيد اجمل لوبډلې سيالې لوبډلې ته د ۴/۵ گولونو په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به پنځه ورځې دوام وکړي.
