هلمند؛ په ناوې ولسوالۍ کې د ۲۲ لوبډلو ترمنځ د ټېپ بال کرکټ سيالۍ پيل شوې
د هلمند ولايت د بدني روزنې او ورزش امريت په همغږۍ د ياد ولايت په ناوې ولسوالۍ کې د ۲۲ لوبډلو ترمنځ د ټېپ بال کرکټ سيالۍ د ناوې ستورو لوبډلې په بريا پيل شوې.
د يادو سياليو لومړۍ لوبه د ناوې ستورو او افغان اتلانو لوبډلو ترمنځ ترسره شوه، چې په پايله کې افغان لوبډلې په ټاکلو لسو اورونو کې د اوو لوبغاړو په سوځېدو سره سیالې لوبډلې ته د ۹۳ منډو هدف کېښود، ناوې ستورو لوبډلې ياد هدف په پنځم اور کې ترلاسه کړ او د اوو ويکټو په توپير يې بريا خپله کړه.
د دغو سياليو د ترسره کېدو موخه د ځوانانو سالم مصروفیت ياد شوی، چې دوې اوونۍ به دوام وکړي.
