هلمند؛ په نادعلي ولسوالۍ کې د ۲۲ لوبډلو ترمنځ د ټېپ بال کرکټ اختريزې سيالۍ پيل شوې
د هلمند ولايت په نادعلي ولسوالۍ کې د ۲۲ لوبډلو ترمنځ د ټېپ بال کرکټ اختریزې ګروپي سيالۍ پيل شوې.
د دغو سياليو د پيل لوبه د فيض روحاني او سوپر ميوند لوبډلو ترمنځ ترسره شوه، لومړی توپوهنه سوپر ميوند لوبډلې ترسره کړه او په ټاکلو ۱۱ اورونو کې يې سيالې لوبډلې ته د ۲۰۰ منډو هدف کېښود، د لوبې په دويمه پاڼۍ کې فيض روحاني لوبډله د ياد هدف په پوره کولو کې پاتې راغله او په ۱۶ منډو يې ماتې ومنله.
هېره دې نه وي، چې دغه سيالۍ به ۱۱ ورځې دوام وکړي او موخه يې ورزش ته د ځوانانو هڅول ياد شوي دي.
