هلمند؛ په مرکز لښکرګاه کې د ۲۵ لوبډلو ترمنځ د ټېپ بال کرکټ اختريزې سيالۍ پيل شوې
د هلمند ولايت د مرکز لښکرګاه اړوند په رود پل لاندې سیمه کې د ۲۵ لوبډلو ترمنځ د ټېپ بال کرکټ اختریزې ګروپي سيالۍ پيل شوې.
د دغو سياليو د پيل لوبه د سېلاب او سادات لوبډلو ترمنځ ترسره شوه، لومړی توپوهنه سېلاب لوبډلې وکړه او په ټاکلو ۱۰ اورونو کې يې سيالې لوبډلې ته د څلورو لوبغاړو په زيان ۱۷۵ منډې هدف کېښود، د لوبې په دويمه پاڼۍ کې سادات لوبډله د ياد هدف په پوره کولو کې پاتې راغله او د ۱۰ اورونو په لوبولو سره يې ۱۲۳منډې جوړې کړې او په ۵۲ منډو يې ماتې وخوړه.
هېره دې نه وي، چې دغه سيالۍ به ۱۱ ورځې دوام وکړي او موخه يې ورزش ته د ځوانانو هڅول ياد شوي دي.
