هلمند؛ په مارجې ولسوالۍ کې د ۱۶ لوبډلو ترمنخ د ټېپ بال کرېکټ سیالۍ پيل شوې
د هلمند ولايت د بدني روزنې او سپورټ امريت اړوند د ټېپ بال کرېکټ فدراسيون د استازولۍ له لوري د ياد ولايت په مارجې ولسوالۍ کې د ۱۶ لوبډلو ترمنځ د ځوانانو يووالي په موخه دټېپ بال کرېکټ سيالۍ پيل شوې.
د يادو سياليو لومړۍ لوبه د اتحاد C او اتحاد کروچراهي لوبډلو ترمنځ ترسره شوه، د لوبې پچه اتحاد کروچراهي لوبډلې وگټله او لومړی يې اتحاد C لوبډلې ته د توپ وهنې بلنه ورکړه، اتحاد C لوبډلې په ټاکلو ۱۲ اورونو کې سيالې لوبډلې ته د ۱۹۱ منډو هدف وټاکه، په مقابل کې اتحاد کروچراهي لوبډلې يواځې ۱۲۷ منډې وکړې او لوبه يې د ۶۴ منډو په توپير وبايلله.
د ويلو ده، چې دغه سيالۍ به شاوخوا ۲۵ ورځې دوام وکړي.
