هلمند؛ په لښکرگاه ښار کې د ۴۸ لوبډلو ترمنځ د ټېپ بال کرکټ سيالۍ پيل شوې
د هلمند ولايت د بدني روزنې او ورزش امريت په همغږۍ د لښکرگاه ښار په تور ټانگ مرکزي لوبغالي کې د ۴۸ لوبډلو ترمنځ د ټېپ بال کرکټ سيالۍ د ظريفي لوبډلې په بريا پيل شوې.
د يادو سياليو لومړنۍ لوبه د ظريفي او شهيد غلطان لوبډلو ترمنځ ترسره شوه، ظريفي لوبډلې د لوبې پچې په گټلو سره په ټاکلو لسو اورونو کې د څلورو لوبغاړو په سوځېدو سره سیالې لوبډلې ته د ۱۵۵ منډو هدف کېښود، شهيد غلطان لوبډلې ياد هدف ترلاسه نه کړ او د ۶۱ منډو په توپير يې ماته ومنله.
د دغو سياليو د ترسره کېدو موخه د هلمند منتخبې لوبډلې ته د غوره لوبغاړو ټاکل دي، چې شاوخوا يوه مياشت به دوام وکړي.
