هلمند؛ په خانشین ولسوالۍ کې د ۱۰ لوبډلو ترمنځ د فوټسال ناک اوټ سيالۍ پيل شوې
د هلمند ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت د خانشين ولسوالۍ په قلعه نو فوټبال حوزه کې د ۱۰ لوبډلو ترمنځ د فوټسال ناک اوټ سیالۍ پیل شوې.
د دغو سياليو په لومړۍ لوبه کې ملي افغان لوبډلې خپلې سیالې محمد نسيم لوبډلې ته د ۳/۱ ګولونو په توپير سره ماتې ورکړه او بريايې وګټله.
د يادو سياليو موخه راتلونکو لوبو ته د لوبغاړو چمتو کول دي، چې دوې اوونۍ به دوام ورکړ.
