هلمند؛ په خانشين ولسوالۍ کې د ۹ لوبډلو ترمنځ د فوټبال سيالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت په خانشین ولسوالۍ کې د ۹ لوبډلو ترمنځ د فوټبال ناک اوټ سيالۍ پای ته ورسېدې.
د یادو سیالیو پایلوبه د میوند اتلانو او ستاره لوبډلو ترمنځ ترسره شوه او په ټاکلي وخت کې مساوي پای ته ورسېده، خو په پینالټي شوټونو کې ميوند اتلانو لوبډلې خپلې سيالې لوبډلې ته د ۴_۵ ګولونو په توپير ماتې ورکړه او اتلولي یې خپله کړه.
