هلمند؛ په خانشين ولسوالۍ کې د لسو لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش امريت اړوند د فوټبال فدراسیون د استازولۍ له لوري د خانشين ولسوالۍ په قلعه نو حوزه کې د لسو غوره لوبډلو ترمنځ د فوټبال سيالۍ، چې دوې اوونۍ مخکې پيل شوې وې د ش.ه.ي.د عبدالسلام لوبډلې په اتلولۍ پای ته ورسېدې.
د يادو سياليو په پايلوبه کې ش.ه.ي.د عبدالسلام لوبډلې خپلې سيالې مومن افغان لوبډلې ته د ۳ پر صفر گولونو په توپير ماتې ورکړه او اتلولي يې په خپل نوم کړه.
د ويلو ده، چې د دغو سياليو موخه د خانشين ولسوالۍ په کچه د غوره لوبډلې موندل او راتلونکو لوبو لپاره د لوبغاړو لا ښه چمتووالی وو.
