هلمند؛ هزار جفت ځوانان لوبډلې د فوټبال هزارجفت لیګ سیالیو اتلولي خپله
د هلمند ولایت د ګرمسیر ولسوالۍ په مرکز کې د ۱۰ لوبډلو ترمنځ د فوټبال لیګ سیالۍ، چې څه موده وړاندې پیل شوې وې، پرون د شنبې په ورځ د هزارجفت ځوانان لوبډلې په لومړي مقام ګټلو سره پای په ورسېدې.
په دې سیالیو کې د هزارجفت ځوانان، سرحدي اتلان، شملان ځوانان، شهید اجمل،هزار جفت مرکزي، نوي اتلان، خراسان، نوي ځوانان، قریشي او عمرزي ځوانان لوبډلو برخه اخیستې وه.
د سیالیو په پایله کې هزار جفت ځوانان لوبډلې د ۴۵ نمرو په ګټلو سره لومړی، سرحدي ځوانان لوبډلې په ۴۱ نمرو دویم او هزار جفت مرکزي لوبډلې په ۳۳ نمرو درېیم مقام خپل کړ.
د سیالیو غوره لوبغاړی اغاولي، غوره ګول ساتونکی عزت الله زاهد او غوره ګل وهونکی توریالی وټاکل شو او د ګرمسیر ورزش مدریت او فوټبال فدراسیون له لوري ډالۍ…
