هلمند؛ هزار جفت مرکزي لوبډلې د گرمسېر ولسوالۍ د ټېب بال کرکټ سياليو اتلولي وگټله
د هلمند ولايت د بدني روزنې او سپورټ آمريت اړوند د ټېب بال فدراسيون د استازولۍ له لوري د دې ولايت په گرمسېر ولسوالۍ کې د ۱۱ لوبډلو تر منځ د موټر ساېکل په نوم د ټېب بال کرکټ سيالۍ د هزار جفت مرکزي لوبډلې په اتلولۍ پای ته ورسېدې.
د يادو سياليو پايلوبه د بنادر ځوانانو او هزار جفت مرکزي لوبډلو تر منځ ترسره شوه، چې په پايله کې بنادر ځوانانو لوبډلې خپلې سیالې لوبډلې ته په ټاکلو لسو اورونو کې ۸۹ منډو هدف کېښود، هزار جفت مرکزي لوبډلې ياد هدف تر لاسه کړ او د لسو ویکټو په توپیر يې بريا خپله کړه.
د دغو سياليو د ترسراوي موخه، د لوبغاړو تر منځ يووالی او د يادې لوبې وده ښودل شوې وه.
د يادونې وړ ده، چې په پای کې اتلې لوبډلې ته يو عراده موټر ساېکل ورکړل شو.
