هلمند؛ نوزاد ولسوالۍ کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په نوزاد ولسوالۍ کې د اتو لوبډلو ترمنځ د ټېپ بال کرېکټ سیالۍ د کینجاک زلمو لوبډلې په اتلولي پای ته ورسېدې.
د یادو سیالیو پایلوبه د کلي بادام او کینجاک زلمو لوبډلو ترمنځ ترسره شوه. د لوبې پچه کلي بادام لوبډلې وګټله او لومړی یې توپ وهنه وکړه، چې په ټاکلو ١٤ اورونو کې یې خپلې سیالې لوبډلې ته د ٢٤٣ منډو هدف وټاکه. کینجاک زلمو لوبډلې د هدف په تعقیب کې د ټولو ویکټو په زیان ٢١٤ منډې وکړې او د ٢٨ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه اوونۍ یې دوام وکړ.
