هلمند؛ ناوې ولسوالۍ کې د ٢٠ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت په ناوې ولسوالۍ کې د ۲٠ لوبډلو ترمنځ د ټېپ بال کرېکټ شپنۍ سیالۍ د مرکزي اتحاد لوبډلې په اتلولي پای ته ورسېدې.
د یادو سیالیو پایلوبه د خوشحال اتحاد او مرکزي اتحاد لوبډلو ترمنځ ترسره شوه. د لوبې پچه مرکزي اتحاد لوبډلې وګټله او لومړی یې توپوهنه وکړه، چې په ټاکلو اتو اورونو کې یې خپلې سیالې لوبډلې ته د ١٦٨ منډو هدف وټاکه. خوشحال اتحاد لوبډلې د هدف په تعقیب کې ٧٨ منډې وکړې او لوبه یې د ٨٩ منډو په توپیر وبایلله.
دا سیالۍ د سیمې د ځوانانو لپاره د سالمې تفرېح برابرولو په موخه ترسره شوې، چې درې اوونۍ یې دوام وکړ.
