هلمند؛ ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ناصري ستورو او حمیدالله لوبډلو ترمنځ ترسره شوه. د لوبې پچه ناصري ستورو لوبډلې وګټله او لومړی یې توپوهنه وکړه، چې په ټاکلو ١۵ اورونو کې یې خپلې سیالې لوبډلې ته د ١٨٧ منډو هدف وټاکه. حمیدالله لوبډلې د هدف په تعقیب کې ١٢٠ منډې وکړې او د ٦٦ منډو په توپیر یې لوبه وبایلله.
دا سیالۍ د ځوانانو ترمنځ د یووالي او د کوچني اختر د را رسېدو په موخه پیل شوي دي، چې شل ورځې به دوام وکړي.
