هلمند؛ ناوې ولسوالۍ کې د اتو لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ناوې ولسوالۍ کې د اتو لوبډلو ترمنځ د فوټبال سیالۍ د ودان اتلان لوبډلې په اتلولي پای ته ورسېدې.
د یادو سیالیو پایلوبه کې ودان اتلان لوبډلې د ۳/۴ ګولونو په توپیر خپلې سیالې منتظر ځواک لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې ۱۵ ورځې یې دوام وکړ.
