هلمند؛ مرګز لښکرګاه ښار کې د لسو لوبډلو ترمنځ د فوټسال غوره لیګ سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د فوټسال کمېټې له لوري د یاد ولایت مرکز لښکرګاه ښار کې د لسو لوبډلو ترمنځ د ۱۴۰۳ کال د فوټسال غوره لیګ سیالۍ پیل شوې.
د یادو سیالیو لومړۍ لوبه د ریحان او سازش ښوونځي لوبډلو ترمنځ ترسره شوه، چې په پایله کې یې ریحان لوبډلې د ۶ پر یو ګولونو په توپیر خپلې سیالې لوبډلې ته ماتې ورکړه او د یادو سیالیو لومړۍ بریا یې په خپل نوم کړه.
دغه سیالۍ چې یوه میاشت به دوام وکړي د لیګ په ډول ترسره کېږي، چې اتله لوبډله به د جنوب غرب زون په سیالیو کې ګډون وکړي او دویم او درېیم مقام لوبډلې به الف لیګ ته ارتقأ وکړي.
