هلمند؛ مرکز لښکرګاه کې د اتو لوبډلو ترمنځ د فوټبال ګروپي سیالۍ پیل شوې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري او د فولاد صنعتي شرکت په مالي ملاتړ د ياد ولايت د مرکز لښکرګاه په مرکزي لوبغالي کې د اتو لوبډلو ترمنځ د فوټبال ګروپي سیالۍ پیل شوې.
د دغو سیالیو د پیل په لوبه کې هارون پوپل لوبډلې خپلې سیالې نوي عمري لوبډلې د ۲/۰ ګولونو په توپير ماتې ورکړه او لومړۍ بريا يې خپله کړه.
يادې سیالۍ په دوو ګروپونو کې ترسره کېږي، چې شاوخوا ۲۰ ورځې به دوام وکړي.
