هلمند؛ مرکز لښکرګاه ښار کې د ۹۵ ورزشکارانو ترمنځ د بدن ښکلا او فټنس سیالۍ ترسره شوې
د هلمند ولایت د بدني روزنې او ورزش آمریت له لوري د یاد ولایت مرکز لښکرګاه ښار کې د ۹۵ ورزشکارانو ترمنځ د بدن ښکلا او فټنس سیالۍ ترسره شوې.
د یادو سیالیو د پیل په مراسمو کې د ورزش ادارې عمومي رئیس مولوي احمدالله وثیق، د یاد ریاست فني او مسلکي مرستیال حافظ احمدجان ځدراڼ او ورسره پلاوي هم ګډون کړی و.
د دغو سیالیو په پایله کي امین الله د مسټر هلمند او احسان الله د جونینر هلمند لقبونه وګټل او په ټوله کي لس تنه د هلمند ولایت بدن ښکلا او فټنس ټاکنیزې لوبډلې ته وټاکل شول.
