هلمند؛ مرکز لښکرګاه ښار کې د ۳۲ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او وزش امریت اړوند د فوټبال فدراسیون د استازولۍ له لوري د یاد ولایت مرکز لښکرګاه ښار کې د ۳۲ لوبډلو ترمنځ د فوټبال سیالۍ د ودان لوبډلې په اتلولي پای ته ورسېدې.
د یادو سیالیو پایلوبه د امین علیزي او ودان لوبډلو ترمنځ ترسره شوه، چې په پایله کې یې ودان لوبډلې د ۴/۳ ګولونو په توپیر خپلې سیالې امین علیزي لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو او د ورزشکارانو د غوره چمتو والي په موخه ترسره شوې، چې ۲۵ ورځې یې دوام وکړ.
