هلمند؛ مرکز لښکرګاه ښار کې د ۳۰ ورزش کارانو ترمنځ د سوک وهنې ټاکنیزې سیالۍ ترسره شوې
د هلمند ولایت د بدني روزنې او ورزش آمریت اړوند د سوک وهنې فدراسیون د استازولي له لوري د یاد ولایت مرکز لښکرګاه ښار کې د ۳۰ ورزش کارانو ترمنځ د سوک وهنې ټاکنیزې سیالۍ ترسره شوې.
دغه سیالۍ د نویو ځوانانو، ځوانانو او د مشرانو ورزشکارانو په عمري کټګوریو او بېلا بېلو وزني کټګوریو کې ترسره شوې، چې په پایله کې ۱۰ ورزشکاران د هلمند ولایت د سوک وهنې ټاکنیزې لوبډلې ته وټاکل شول.
یادې سیالۍ د هلمند ولایت ټاکنیزې لوبډلې ته د غوره ورزش کارانو د ټاکلو په موخه ترسره شوې، چې یوه ورځ یې دوام وکړ او په پای کې ګټونکو ورزش کارانو ته مډالونه ورکړل شول.
