هلمند؛ مرکز لښکرګاه ښار کې د ۲۰ لوبډلو ترمنځ د ټېپ بال کرکټ سیالۍ پیل شوې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت مرکز لښکرګاه ښار کې د ۲۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د سعادت او ګربز لوبډلو ترمنځ ترسره شوه. د لوبې پچه سعادت لوبډلې وګټله او د توپ وهنې پرېکړه یې وکړه چې په ټاکلو لسو اورونو کې یې خپلې سیالې لوبډلې ته د ۱۵۲ منډو هدف وټاکه. ګربز لوبډلې د هدف په تعقیب کې ۱۴۲ منډې وکړې او سیالۍ یې د نهو منډو په توپیر وبایلله.
دا سیالۍ ورزش ته د ځوانانو د هڅونې په موخه پیل شوي دي، چې درې اوونۍ به دوام وکړي.
