هلمند؛ مرکز لښکرګاه ښار کې د ۱۶ ب لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت مرکز لښکرګاه ښار په مرکزي فوټبال لوبغالي کې د ۱۶ ب لوبډلو ترمنځ د فوټبال سیالۍ، چې يوه مياشت مخکې پيل شوې وې د زاهد مارجې لوبډلې په اتلولۍ پای ته ورسېدې.
د دغو سياليو په پایلوبه کې د زاهد مارجې لوبډلې خپلې سیالې هلمند سالار لوبډلې ته د ۲/۰ ګولونو په توپير سره ماتې ورکړه او اتلولي يې وګټله.
د يادو سياليو موخه د راتلونکو سیالیو لپاره د لوبغاړو چمتووالی و.
