هلمند؛ لښکرگاه ښار کې د ۱۴ لوبډلو ترمنځ د فوټبال شپنۍ سیالۍ پای ته ورسېدې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د لښکرگاه ښار په لسمه حوزه کې د ۱۴ لوبډلو ترمنځ د فوټبال شپنۍ سیالۍ، چې دوې اوونۍ مخکې پيل شوې وې د لسمې حوزې لوبډلې په اتلولۍ پای ته ورسېدې.
د يادو سياليو پايلوبه د لسمې او درېيمې حوزو لوبډلو ترمنځ سره شوه، چې په ټاکلي وخت سيالۍ ۰/۰ مساوي پای ته ورسېده، خو په پنالټيانو کې لسمې حوزې لوبډلې خپلې سيالې لوبډلې ته د ۶ پر ۵ گولونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سیالیو موخه د ځوانانو لپاره د سالم مصروفیت برابرول وو.
