هلمند؛ زرغون کوشتي لوبډلې د فوټبال ناک اوټ سياليو اتلولي وگټله
د هلمند ولايت د بدني روزنې او سپورټ آمريت اړوند د فوټبال فدراسیون د استازولۍ له لوري د گرمسېر ولسوالۍ په درويشان فوټبال حوزه کې د ۱۴ لوبډلو ترمنځ د فوټبال ناک اوټ سيالۍ د زرغون کوشتي لوبډلې په اتلولۍ پای ته ورسېدې.
د يادو سياليو پايلوبه د زرغون کوشتي او سيلاب لوبډلو ترمنځ ترسره شوه، چې په پايله کې زرغون کوشتي لوبډلې خپلې سيالې لوبډلې ته ۱/۲ گولونو په توپير ماتې ورکړه او بريا يې خپله کړه.
د دغو سياليو غوره گول وهونکی نعمت الله، غوره لوبغاړی نصير دانش او غوره گول ساتونکی بيا شير احمد ونومول شول او په پای کې غوره لوبغاړو ته چمتو شوې ډالۍ ورکړل شوې.
