هلمند؛ د ټېپ بال کرکټ رمضان جام سیالیو په دوام درې سیالۍ ترسره شوې
دغه سیالۍ، چې د یاد ولایت د ورزشي امریت له لوري د روژې میاشتې له لومړیو راپدېخوا پیل شوي ، په داوم یې نن درې لوبې ترسره شوې.
په لومړۍ سیالي کې محبوب لوبډلې سیون سټار لوبډلې ته په ۹ ویکټو ماتې ورکړه او بریا یې خپله کړه.
د دغې سیالي غوره لوبغاړی سیدالرحمن و، چې د خپلې لوبډلې په ګټه یې په دوو اورونو کې څلور لوبغاړي له میدان څخه بهر کړل.
په دویمه سیالي کې پښتون ستورو لوبډلې خپله سیالې وطن لوبډلې ته په ۹ منډو ماتې ورکړه او سیالي یې وګټله.
د نوموړې سیالي غوره لوبغاړی محیب الله و، چې د خپلې لوبډلې لپاره یې په ۲۲ بالونو ۳۷ منډې جوړې کړې.
همداراز د نن ورځې په وروستۍ او درېیمه سیالي کې هیواد مل لوبډلې بست ساتونکو لوبډلې ته په آتو ویکټو ماتې ورکړه او بریا یې د ځان کړه.
د یادې وروستۍ سیالي غوره لوبغاړی مسعود احمد و، ده د خپلې لوبډلې لپاره په ۲۳ توپونو ۶۸ چټکې ناسوځېدلې منډې جوړې کړې.
