هلمند؛ د ناوې ولسوالۍ په عینګ سیمه کې د ۱۰ لوبډلو ترمنځ د ټېپ بال کرکټ سیالۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرکټ فدراسیون د استازولۍ له لوري د ناوې ولسوالۍ په عینک سیمه کې د ۱۰ لوبډلو ترمنځ د ټېپ بال کرکټ سیالۍ، چې شل ورځې وړاندې پیل شوې پای ته ورسېدې.
د دغو سیالیو پایلوبې ته بست اتلانو او اڅکزو ستورو لوبډلو لار موندلې وه، لومړۍ توپوهنه بست اتلانو لوبډلې وکړه او ټاکلو ۱۴ اورونو کې یې سیالې لوبډلې ته ۱۲۵ منډې هدف کېښود، د لوبې په دویمه پاڼۍ کې اڅکزو ستورو لوبډلې د درېوو لوبغاړو په زیان یاد هدف پوره کړ او په اوو ویکټو یې اتلولي خپله کړه.
