هلمند؛ خانشین ولسوالۍ کې د ۱۲ لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش آمریت اړوند، فوټبال فدراسیون د استازولۍ له لوري د ياد ولايت په خانشین ولسوالۍ کې د ۱۲ لوبډلو ترمنځ د فوټبال ناک اوټ سیالۍ پیل شوې.
د دغو سیالیو د پیل په لوبه کې بلوچستان لوبډلې خپلې سیالې خوشحال لوبډلې ته د ۴-۵ ګولونو په توپیر ماتې ورکړه او لومړۍ بریا یې خپله کړه.
هېره دې نه وي چې يادې سیالۍ د فوټبال د پرمختګ، وررزش ته د ځوانانو د هڅونې او تشویق په موخه ترسره کېږي او لس ورځې به دوام وکړي.
