هلمند؛ خانشین ولسوالۍ کې د ١٦ لوبډلو ترمنځ د فوټبال سیالۍ د خراسان لوبډلې په اتلولي پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په خانشین ولسوالۍ کې د ١٦ لوبډلو ترمنځ د فوټبال سیالۍ چې یوه نیمه میاشت مخکې پیل شوې وې، د خراسان لوبډلې په اتلولي پای ته ورسېدې.
د یادو سیالیو پایلوبه د خراسان او بست لوبډلو ترمنځ ترسره شوه، چې په پایله کې خراسان لوبډلې د یو پر صفر ګول په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د یادو سیالیو غوره لوبغاړی نجیب الله خاکسار او غوره ګول وهونکی حکمت الله ونومول شول.
