هلمند؛ خانشین ولسوالۍ کې د ١٢ لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د ياد ولايت په خانشین ولسوالۍ کې د ١٢ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د بریالي ستوري او قسمت لوبډلو ترمنځ ترسره شوه، چې په پایله کې یې قسمت لوبډلې د ٣/١ ګول په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ د فوټبال راتلونکو سیالیو ته د لوبغاړو د چمتو والي په موخه پیل شوي دي، چې دوې اوونۍ به دوام وکړي.
