هلمند؛ بولان ولسوالۍ کې د ۱۲ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په بولان ولسوالۍ کې د ۱۲ لوبډأو ترمنځ د ټېپ بال کرېکټ سیالۍ د فیضي ځوانانو لوبډلې په اتلولي پای ته ورسېدې.
د یادو سیالیو پايلوبه کې فیضي ځوانانو لوبډلې د ۲۲ منډو په توپیر خپلې سیالې کامران بازانو لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو هڅولو په موخه ترسره شوې، چې ۱۸ ورځې یې دوام وکړ.
