هلمند؛ باباجي ولسوالۍ کې د ۱۵ لوبډلو ترمنځ د فوټبال شپنۍ سيالۍ پيل شوې
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په باباجي ولسوالۍ کې د ۱۵ لوبډلو ترمنځ د رمضان جام په نوم د فوټبال شپنۍ سيالۍ پيل شوې.
د دغو سياليو په لومړنۍ لوبه کې مسلم لوبډلې خپلې سيالې افغان لوبډلې ته د ۲ پر ۱ گولونو په توپير ماتې ورکړه او اتلولي يې په خپل نوم کړه.
د يادو سياليو موخه د ځوانانو لپاره د سالم مصروفیت برابرول دي، چې ۲۶ ورځې به دوام وکړي.
