هلمند؛ باباجي ولسوالۍ کې د لسو لوبډلو ترمنځ د ټېپ بال کرکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په باباجي ولسوالۍ کې د لسو لوبډلو ترمنخ د ټېپ بال کرکټ سیالۍ د عزت افغان لوبډلې په اتلولي پای ته ورسېدې.
د یادو سیالیو پایلوبه د عزت افغان او مهاجر بازار زلمیانو لوبډلې ترمنځ ترسره شوه. د لوبې پچه د مهاجر بازار لوبډلې وګټله او لومړی یې د توپ وهنې پرېکړه وکړه، چې په ټاکلو ۱۴ اورونو کې یې خپلې سیالې لوبډلې ته د ۱۸۲ منډو هدف وټاکه. عزت افغان لوبډلې یاد هدف د خپلو څلورو لوبغاړو په له لاسه ورکولو سره پوره کړ او په شپږو ویکټو یې خپلې سیالې لوبډلې ته په ماتې ورکولو سره د دغو سیالیو اتلولي وګټله.
دغه سیالۍ ورزش ته د باباجي ولسوالۍ د ځوانانو د تشویق په موخه پیل شوې وې، چې ۲۰ ورځې یې دوام وکړ.
