هلمند؛ باباجي ولسوالۍ کې د اتو لوبډلو ترمنځ د ټېپ بال کرکټ سيالۍ پای ته ورسېدې
د هلمند ولایت د بدني روزنې او ورزش امریت اړوند ټېپ بال کرکټ فدراسیون د استازولۍ له لوري د ياد ولايت په باباجي ولسوالۍ کې د اتو لوبډلو ترمنځ د ټېپ بال کرکټ سیالۍ، چې يوه مياشت وړاندې پیل شوې وې پای ته ورسېدې.
د دغو سیالیو پایلوبه د همت ځوانانو او خپلواک ځوانانو لوبډلو ترمنځ ترسره شوه، لومړی توپوهنه همت ځوانانو لوبډلې وکړه او په ټاکلو ١٤ اورونو کې یې خپلې سیالې لوبډلې ته د ١٩٠ منډو هدف کېښود، د لوبې په دويمه پاڼۍ کې خپلواک ځوانانو لوبډلې د ټولو لوبغاړو په زيان ١٦٥منډې وکړې او په ۲۵ منډو يې ماتې وخوړه.
