هلمند؛ ازاد لوبډلې د لښکرگاه ښار د شپنيو ټېپ بال کرکټ سياليو اتلولي وگټله
د هلمند ولايت د بدني روزنې او ورزش امريت اړوند د ټېپ بال کرکټ فدراسيون د استازولۍ له لوري د ياد ولايت په مرکز لښکرگاه ښار کې د ۲۰ لوبډلو ترمنځ ورزش ته د ځوانانو هڅولو او سالم مصروفیت په موخه د ټېپ بال کرکټ شپنۍ سيالۍ، چې درې اوونۍ مخکې پيل شوې وې، د ازاد لوبډلې په اتلولۍ پای ته ورسېدې.
د يادو سياليو پايلوبه د ازاد او بېنوا لوبډلو ترمنځ ترسره شوه، چې آزاد لوبډلې د لوبې پچې په گټلو سره په ټاکلو لسو اورونو کې خپلې سيالې لوبډلې ته د ۱۲۰ منډو وټاکه، په مقابل کې بېنوا لوبډلې د ټولو لوبغاړو په سوځېدو سره يواځې ۹۸ منډې وکړې او لوبه يې د ۲۲ منډو په توپير وبايلله.
ياده دې وي، چې د دغو سياليو په پای کې اتلې لوبډلې ته يو عراده موټر سايکل ورکړل شو.
