هلمند؛ اريانا لوبډلې د پرمختگ په نوم د ټېپ بال کرکټ سياليو اتلولي وگټله
د هلمند ولايت د بدني روزنې او سپورټ آمريت اړوند د ټېپ بال کرکټ فدراسيون د استازولۍ له لوري د دې ولايت مرکز لښکرگاه ښار په حاجي ادم قلا سيمه کې د لسو لوبډلو ترمنځ د پرمختگ په نوم د ټېپ بال کرکټ سيالۍ د اريانا لوبډلې په اتلولۍ پای ته ورسېدې.
د يادو سياليو پايلوبه د اريانا او ازاد لوبډلو ترمنځ ترسره شوه، چې په پايله کې اريانا لوبډلې په ټاکلو ۱۴ اورونو کې خپلې سيالې لوبډلې ته د ۱۵۴ منډو هدف کېښود، آزاد لوبډلې ياد هدف تر لاسه نه کړ او د ۸ منډو په توپير د اريانا لوبډلې په بريا پای ته ورسېده.
د دغو سياليو موخه ورزش ته د ځوانانو هڅول ياد شوي وو، چې يوه مياشت يې دوام وکړ او په پای کې د ورزش آمريت له لوري غوره لوبغاړو ته چمتو شوې ډالۍ ورکړل شوې.
