هلمند، نيمروز لوبډلې د څلور اړخيز فوټسال جام سياليو اتلولي وگټله
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د گرشک ولسوالۍ په ورزشي جمنازيوم کې د څلور اړخيز فوټسال جام سيالۍ، چې دوې ورځې مخکې پيل شوې وې، د نيمروز لوبډلې په اتلولۍ پای ته ورسېدې.
په يادو سياليو کې د نيمروز، کندهار، لښکرگاه او کرشگ لوبډلو گډون کړی وو، چې په پايلوبه کې نيمروز لوبډلې خپلې سيالې گرشک لوبډلې ته د ۴/۷ گولونو په توپير ماتې ورکړه او اتلولي يې خپله کړه.
ياده دې وي، چې د دغو سياليو غوره لوبغاړی منصور احمد، غوره گول وهونکی فيصل خان او غوره گول ساتونکی ذبيح الله ونومول شول.
