هلمند، ناوې ولسوالۍ کې د ۱۷ لوبډلو ترمنځ د ټېپ بال کریکټ سیالۍ پیل شوې
د هلمند ولایت ناوې ولسوالۍ اړوند خلچ ورزشي لوبغالي کې د ۱۷ لوبډلو ترمنځ د اتحاد او ورورولۍ په نوم د ټېپ بال کریکټ ګروپي سیالۍ د کابل بازانو لوبډلې په بریا پیل شوې.
د دغوسیالیو لومړۍ لوبه د ناوې ستورو او کابل بازانو لوبډلو ترمنځ ترسره شوه، په پایله کې د کابل بازانو لوبډلې په ټاکلو ۱۴ اورونو کې د ۱۹۳ منډو هدف وټاکه په مقابل کې د ناوې ستور لوبډلې د ټولو لوبغاړو دلاسه ورکولو سره یواځې ۱۴۵ منډې ترسره کړې او سیالي د کابل بازانو لوبډلې په ګټه پای ته ورسېده.
هېره دې نه وي دغه سیالۍ به شل ورځې دوام وکړي او موخه یې ټېپ بال کریکټ ته د ځوانانو هڅوول دي.
