هلمند، باباجي ولسوالۍ کې د لسو لوبډلو تر منځ د ټېب بال کرکټ سيالۍ پېل شوې
د هلمند ولايت د بدني روزنې او سپورټ آمريت اړوند د ټېب بال فدراسيون د استازولۍ له لوري په ښار بند ورزشي لوبغالي کې د لسو لوبډلو تر منځ د امن په نوم د ټېب بال کرکټ سيالۍ پېل شوې.
د يادو سياليو لومړۍ لوبه د خپلواک او هاشمي يارانو لوبډلو تر منځ ترسره شوه، چې په پايله کې هاشمي يارانو لوبډلې په ټاکلو ۱۴ اورونو کې خپلې سیالې لوبډلې ته ۱۱۳ منډې هدف کېښود، خپلواک لوبډلې ياد هدف تر لاسه کړ او د ۸ ویکټو په توپیر يې بريا خپله کړه.
د دغو سياليو د ترسراوي موخه د ځوانانو تر منځ يووالی یاد شوی دی، چې شاوخوا يوه نيمه مياشت به دوام وکړي.
