هرات کې د ۶۰ ورزش کارانو په ګډون د موی تای ټاکنیزې سیالۍ ترسره شوې
د هرات ولایت د بدني روزنې او ورش ریاست اړوند د موی تای فدراسیون له لوري د نویو ځوانانو، ځوانانو او ډېر عمر لرونکو په کټګوري کې د ۶۰ ورزشکارانو ترمنځ د موی تای ټاکنیزې سیالۍ پای ته ورسېدې.
د یادو سیالیو په پایله کې د نویو ځوانانو له ډلې څخه ۱۳ ورزشکاران، د ځوانانو له کټګوري څخه ۴ ورزشکاران او د ډېر عمر لرونکو لوبغاړو له کټګوري څخه ۶ تنه ورزشکاران د هرات د موی تای منتخبې لوبډلې ته وټاکل شول.
د یادو سیالیو موخه د هرات ولایت د موی تای منتخبې لوبډلې ته د غوره لوبغاړو ټاکل و چې په پای کې اتلانو ته د سرو زرو مډالونه او دویم مقام ګټونکو ته د سپینو زرو او برنزو مډالونه ورکړل شول.
