هرات کې د ۴ ريشتو ورزشي جشنواره پای ته ورسېده
د هرات ولايت د بدني روزنې او ورزش رياست له لوري ياد ولايت کې د ۴ ورزشي ريشتو سيمه ييزې غېږنيونې، جمناستيک، موټر ځغلونې او د هوايي ورزشونو درېيمه ورزشي جشنواره پای ته ورسېده، چې دوې ورځې يې دوام وکړ.
په دغې ورزشي جشنواره کې له مرکز او ولسواليو څخه د غېږنيونې سیمه ییزو سياليو ۲۰۰ ورزشکارانو په بېلابېلو وزنونو کې دوستانه سيالۍ وکړې.
همدارنګه د جمناستيک، موټر ځغلونې او د هوايي ورزشونو نندارې هم د مينوالو په شتون کې ترسره شوې.
